في بيتنا .... منة شلبي
فاكرين كلنا طبعا فيلم الساحر اللي أثبتت فيه منة شلبي أنها فعلاً و بجد و حقيقي ما بقتش صغيرة على الإطلاق:) ... و فاكرين كلنا أزاي محمود عبد العزيز يا عيني بقى عقله هيطير و مش عارف يحميها أزاي و هي في سن المراهقة من نظرات الناس وبخاصة الجيران اللي عينيهم زايغة... بس عايزين الحق بعيداً عن أي شيء كان فيلم جامد... نرجع لمرجوعنا مرة تانية... فاكرين منة شلبي دلوقتي و محمود عبد العزيز ... نحاول كده نستحضر الصورة و نستجمعها مرة تانية ... نفتكر كل التفاصيل ... مش كلها طبعا علشان فيه أطفال موجودين ... خلاص افتكرنا ؟؟؟
أووووووكشن
أهو أنا بقى مش عارف ليه الأيام دي حاسس أن الفيلم ده بيحصل على أرض الواقع .... و مش عارف ليه حاسس أني بقيت زي محمود عبد العزيز !!!!
Stooooooooooooop!
Shiiiiiiit
فهمتوني غلط ... غلط غلط غلط .... تباً لكم بالإنجليزي لكل اللي فهم غلط ... مش قصدي يا بهوات أني أتجوزت و خلفت و بنتي بقت عاملة زي منة شلبي ....... لأ طبعاً ..... ده انا كنت قطمت رقبتها من لغاليغها ... وأقطع للبت راس يطلعلها بدل الراس بلاص ...... هو أنا على آخر الزمن هعمل زي محمود عبد العزيز و أرفّع أرااايل !!!!
فششششرررر ... كلاً بتة ..... ده أنا أهون عليا أسمع تامر حسني و لا أني أرفع أرايل!!!
أنا قصدي أني بقيت عامل زي محمود عبد العزيز و بثينة اللي بقت عاملة زي منة شلبي :( .... للأسف طبعا !
إلهي و انت جاهي تتحبس في ازنزير مع واحد جزائري أهطل هلاهوطة ياللي فهمت غلط لتاني مرة ...مش تستني يا تييييييت لما تعرف مين بثينة .... ولا لازم مخزون التلوث اللي في عقلك الباطن يشتغل على طول ....
أووووف!
بثينة دي للأسف اللي ما كانتش تختلف زماااااان عن نانسي عجرم .... و اللي بقت دلوقتي زيها زي بوسي سمير ولا ميسرة ........
هي قطتي:(
هذه هي الحقيقة العارية يا سادة..... القطة المغمضة فتحت و العماص- يعععع- مبقاش مالي عينيها ...... بتمر بمرحلة المراهقة لأول مرة في حياتها .... وزيها زي أي قطة تانية في سنها بقت محتاجة..........ترتبط للأسف.
مكنتش متأكد من الموضوع في الأول .... كنت فاكر انها عادي يعني بتعتبرني زي أبوها اللي مربيها فكنت عادي مش بهتم لما بلاقيها تقعد تتودد ليا .... مرة ألاقيها بتلعب في رجلي .... مرة أصحى من النوم ألاقيها بتبوسني و أقول عااااااااااااادي دي قبلة أبويه.... أتاريها السافلة كانت بتتحرش بيا و أنا مش عارف .... مكنتش بفهم في لغة القطط .... أعمل ايه ..... عمري ما نونوت قبل كده ولا بفهم في النونوه....
شوية و القطة كل ما باب الشقة ينفتح ألاقيها جارية جري تخرج بره .... يا بت تعالي خشي جوه يا بت ..... ولا الهوا ..... ما تجيش طبعا غير باستخدام العنف اللي ممكن يضايق جمعيات الرفق بالحيوان و يعملوا كام مظاهرة قدام البيت الأبيض ....
اللي ذاد وغطي بقى أن القطة بقت تعمل أصوات غرييييييبة ..... غريبة جداً جداً جداً حتما .... أووووعااااااااوووووواااااااععععععععع ....... في الأول افتكرت أن فيه شوكه من السمك وقفت في زورها ..... مسكتها وقعدت أرج فيها عشر ساعات على ان فيه حاجات تنزل من زورها ..... مفيش برضوا !
قولت يمكن مش عاجبها الأكل ..... غيرنا الأكل ..... برضوا زي ما هي ...... غيرنا المية ..... زي ما هي ...... قولت بس ... وجدتها .... و تفتق ذهني – عليها الطلاج بالتلاتة جامدة تفتق دي – عن حل أو اللي افتكرته ساعتها الحل .....أكيد أكيد عندها أرق ..... عملتلها شوية شاي خفيف سكر زياده وسبتها يبرد .... ايوه يا جدع أنت وهو ما تزقش .... أحنا عندنا في بيتنا الشاي بينيم .... و بعدين حطتهولها في الطبق..... شربته بردوا و لسه زي ما هي صاحية ومزعجة!!!
ما اقدرش أنكر الصراحة ان كذا مرة ماما شافتني في الأيام دي ببحلق في شرود في السكينة وكانت على آخر لحظة بتشيلها من قدامي ...... أحساس زي الزقت..... زي ما تكون نانسي عجرم كانت قاعدة في بيتك وبتغني ليل نهار يا طبطب يادلع ... ومرة واحدة تغني هركب الحنطور درجن درجن و اتنحنطرررر درجن درجن دن .... نياااااااووووووو
ودينا القطة بثينة لدكتور لويس الدكتور البطري اللي على أول شارعنا .... دكتور لويس بص في عيني وبص للقطة وبعدين راح واخدين على جنب وشوشني وقالي ..... القطة بتمر بمرحلة مراهقة صعبة علي أي قطة في سنها وجه الوقت علشان تجوزها ..... أن أن أن آآآآآآآآه ......
الأرض دارت بيا .... والدموع احتشدت في مقلتاااااي .... و فووووووت ..... أتمخطت في كم القميص .... وخدت بثينة وروحنا البيت وانا في حالة انهيار تام ..... أجيبلها منين طيب عريس وهي لسه في السن ده ...
قعدت لوحدي أفكر بعقل وهدوء ..... ايه المشكلة يعني لما نجوزها ؟؟؟؟ ....هجيبلها قط ابن ناس منين ؟؟؟؟ هتحمل ؟؟؟ هتجيب كام عيل نونو ؟؟؟؟ هربي قططها فين ؟؟؟؟ هصرف عليهم منين ؟؟؟ هيطلعوا مزز زيها ولا لأ ؟؟؟؟ ..... كل الأسئلة دي مش هي اللي كانت المشكلة اللي قدامي ولا عمري كنت شايل هم اجابتها .....
المشكلة الأكبر اللي مخلتنيش أنام طوووول الليل ..... هسمي ولادها ايييييييييييييييه !!!!!!!!!!!!؟؟؟
ما انكرش اني في الوقت ده فكرت في عثمان .... أخوها التوأم اللي عند ابن خالتي ..... أهو شبهها بالظبط وعارفين متربي فين ..... رفعت سماعة الموبايل و اتصلت بثروت ابن خالتي .... مش عيب برضوا .... المثل بيقول اخطب لبنتك ولا تخطبش لابنك ..... و اللي يتكسف من بثينة ما يجيبش منها عيال .... لكن للآسف حتى الأمل ده ضاع ...... ثروت صارحني بالحقيقة .... عثمان لسه صغير وغير قادر لسه على الإنجاب....ايه الورطة اللي وقعت فيها دي !!!!
الدنيا ضاقت بيا .... قولت خلاص ..... جبت بثينة وقولتلها .... أنتي يا بت .... تلمي نفسك و متفكريش في جواز دلوقتي لحد ما عثمان يكبر ويتقدملك.... لعب بديلك هقطعهولك ...... راحت مدلدلة راسها وديلها في الأرض ومشيت وهي بتبكي في ألم .....
فاكرين كلنا طبعا فيلم الساحر اللي أثبتت فيه منة شلبي أنها فعلاً و بجد و حقيقي ما بقتش صغيرة على الإطلاق:) ... و فاكرين كلنا أزاي محمود عبد العزيز يا عيني بقى عقله هيطير و مش عارف يحميها أزاي و هي في سن المراهقة من نظرات الناس وبخاصة الجيران اللي عينيهم زايغة... بس عايزين الحق بعيداً عن أي شيء كان فيلم جامد... نرجع لمرجوعنا مرة تانية... فاكرين منة شلبي دلوقتي و محمود عبد العزيز ... نحاول كده نستحضر الصورة و نستجمعها مرة تانية ... نفتكر كل التفاصيل ... مش كلها طبعا علشان فيه أطفال موجودين ... خلاص افتكرنا ؟؟؟
أووووووكشن
أهو أنا بقى مش عارف ليه الأيام دي حاسس أن الفيلم ده بيحصل على أرض الواقع .... و مش عارف ليه حاسس أني بقيت زي محمود عبد العزيز !!!!
Stooooooooooooop!
Shiiiiiiit
فهمتوني غلط ... غلط غلط غلط .... تباً لكم بالإنجليزي لكل اللي فهم غلط ... مش قصدي يا بهوات أني أتجوزت و خلفت و بنتي بقت عاملة زي منة شلبي ....... لأ طبعاً ..... ده انا كنت قطمت رقبتها من لغاليغها ... وأقطع للبت راس يطلعلها بدل الراس بلاص ...... هو أنا على آخر الزمن هعمل زي محمود عبد العزيز و أرفّع أرااايل !!!!
فششششرررر ... كلاً بتة ..... ده أنا أهون عليا أسمع تامر حسني و لا أني أرفع أرايل!!!
أنا قصدي أني بقيت عامل زي محمود عبد العزيز و بثينة اللي بقت عاملة زي منة شلبي :( .... للأسف طبعا !
إلهي و انت جاهي تتحبس في ازنزير مع واحد جزائري أهطل هلاهوطة ياللي فهمت غلط لتاني مرة ...مش تستني يا تييييييت لما تعرف مين بثينة .... ولا لازم مخزون التلوث اللي في عقلك الباطن يشتغل على طول ....
أووووف!
بثينة دي للأسف اللي ما كانتش تختلف زماااااان عن نانسي عجرم .... و اللي بقت دلوقتي زيها زي بوسي سمير ولا ميسرة ........
هي قطتي:(
هذه هي الحقيقة العارية يا سادة..... القطة المغمضة فتحت و العماص- يعععع- مبقاش مالي عينيها ...... بتمر بمرحلة المراهقة لأول مرة في حياتها .... وزيها زي أي قطة تانية في سنها بقت محتاجة..........ترتبط للأسف.
مكنتش متأكد من الموضوع في الأول .... كنت فاكر انها عادي يعني بتعتبرني زي أبوها اللي مربيها فكنت عادي مش بهتم لما بلاقيها تقعد تتودد ليا .... مرة ألاقيها بتلعب في رجلي .... مرة أصحى من النوم ألاقيها بتبوسني و أقول عااااااااااااادي دي قبلة أبويه.... أتاريها السافلة كانت بتتحرش بيا و أنا مش عارف .... مكنتش بفهم في لغة القطط .... أعمل ايه ..... عمري ما نونوت قبل كده ولا بفهم في النونوه....
شوية و القطة كل ما باب الشقة ينفتح ألاقيها جارية جري تخرج بره .... يا بت تعالي خشي جوه يا بت ..... ولا الهوا ..... ما تجيش طبعا غير باستخدام العنف اللي ممكن يضايق جمعيات الرفق بالحيوان و يعملوا كام مظاهرة قدام البيت الأبيض ....
اللي ذاد وغطي بقى أن القطة بقت تعمل أصوات غرييييييبة ..... غريبة جداً جداً جداً حتما .... أووووعااااااااوووووواااااااععععععععع ....... في الأول افتكرت أن فيه شوكه من السمك وقفت في زورها ..... مسكتها وقعدت أرج فيها عشر ساعات على ان فيه حاجات تنزل من زورها ..... مفيش برضوا !
قولت يمكن مش عاجبها الأكل ..... غيرنا الأكل ..... برضوا زي ما هي ...... غيرنا المية ..... زي ما هي ...... قولت بس ... وجدتها .... و تفتق ذهني – عليها الطلاج بالتلاتة جامدة تفتق دي – عن حل أو اللي افتكرته ساعتها الحل .....أكيد أكيد عندها أرق ..... عملتلها شوية شاي خفيف سكر زياده وسبتها يبرد .... ايوه يا جدع أنت وهو ما تزقش .... أحنا عندنا في بيتنا الشاي بينيم .... و بعدين حطتهولها في الطبق..... شربته بردوا و لسه زي ما هي صاحية ومزعجة!!!
ما اقدرش أنكر الصراحة ان كذا مرة ماما شافتني في الأيام دي ببحلق في شرود في السكينة وكانت على آخر لحظة بتشيلها من قدامي ...... أحساس زي الزقت..... زي ما تكون نانسي عجرم كانت قاعدة في بيتك وبتغني ليل نهار يا طبطب يادلع ... ومرة واحدة تغني هركب الحنطور درجن درجن و اتنحنطرررر درجن درجن دن .... نياااااااووووووو
ودينا القطة بثينة لدكتور لويس الدكتور البطري اللي على أول شارعنا .... دكتور لويس بص في عيني وبص للقطة وبعدين راح واخدين على جنب وشوشني وقالي ..... القطة بتمر بمرحلة مراهقة صعبة علي أي قطة في سنها وجه الوقت علشان تجوزها ..... أن أن أن آآآآآآآآه ......
الأرض دارت بيا .... والدموع احتشدت في مقلتاااااي .... و فووووووت ..... أتمخطت في كم القميص .... وخدت بثينة وروحنا البيت وانا في حالة انهيار تام ..... أجيبلها منين طيب عريس وهي لسه في السن ده ...
قعدت لوحدي أفكر بعقل وهدوء ..... ايه المشكلة يعني لما نجوزها ؟؟؟؟ ....هجيبلها قط ابن ناس منين ؟؟؟؟ هتحمل ؟؟؟ هتجيب كام عيل نونو ؟؟؟؟ هربي قططها فين ؟؟؟؟ هصرف عليهم منين ؟؟؟ هيطلعوا مزز زيها ولا لأ ؟؟؟؟ ..... كل الأسئلة دي مش هي اللي كانت المشكلة اللي قدامي ولا عمري كنت شايل هم اجابتها .....
المشكلة الأكبر اللي مخلتنيش أنام طوووول الليل ..... هسمي ولادها ايييييييييييييييه !!!!!!!!!!!!؟؟؟
ما انكرش اني في الوقت ده فكرت في عثمان .... أخوها التوأم اللي عند ابن خالتي ..... أهو شبهها بالظبط وعارفين متربي فين ..... رفعت سماعة الموبايل و اتصلت بثروت ابن خالتي .... مش عيب برضوا .... المثل بيقول اخطب لبنتك ولا تخطبش لابنك ..... و اللي يتكسف من بثينة ما يجيبش منها عيال .... لكن للآسف حتى الأمل ده ضاع ...... ثروت صارحني بالحقيقة .... عثمان لسه صغير وغير قادر لسه على الإنجاب....ايه الورطة اللي وقعت فيها دي !!!!
الدنيا ضاقت بيا .... قولت خلاص ..... جبت بثينة وقولتلها .... أنتي يا بت .... تلمي نفسك و متفكريش في جواز دلوقتي لحد ما عثمان يكبر ويتقدملك.... لعب بديلك هقطعهولك ...... راحت مدلدلة راسها وديلها في الأرض ومشيت وهي بتبكي في ألم .....
